Երևանի Սարալանջի փողոցում առավոտյան ական է հայտնաբերվել, տեղեկացնում է ԱԻՆ-ը:
«Ապրիլի 17-ին՝ ժամը 09:29-ին, Ճգնաժամային կառավարման ազգային կենտրոն ահազանգ է ստացվել, որ Երևանի Սարալանջի փողոցի 9-րդ շենքի հարակից ավտոտնակների մոտակայքում ական է նկատվել:
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատից երկու խումբ:
Պարզվել է, որ հայտնաբերվել է մեկ հատ F1 տեսակի նռնակ՝ առանց պայթուցիչի:
Փրկարարները նռնակը տեղափոխել են անվտանգ տարածք և վնասազերծել»,- նշված է ԱԻՆ հաղորդագրության մեջ:
