Վերաքննիչ քրեական դատարանի դատավոր Արշակ Վարդանյանը մերժել է Սերժ Սարգսյանի նկատմամբ կիրառված խափանման միջոցը վերացնելու հարցով պաշտպանի բողոքը՝ օրինական ուժի մեջ թողնելով Երևանի ընդհանուր իրավասության դատարանի փետրվարի 26-ի որոշումը, 1lurer.am-ի հետ զրույցում տեղեկացրեց ՀՀ գլխավոր դատախազի խորհրդական Գոռ Աբրահամյանը:
Հիշեցնենք՝ Սերժ Սարգսյանը մեղադրվում է պաշտոնավարման օրոք պետական բյուջեից մոտ կես միլիարդ դրամի հափշտակությունը կազմակերպելու համար: Ս.Սարգսյանի նկատմամբ որպես խափանման միջոց էր ընտրվել երկրից չհեռանալու մասին ստորագրությունը: Այս գործով առաջին դատական նիստը տեղի է ունեցել փետրվարի 25-ին:
