Նավթի շարունակական էժանացման ֆոնին ռուսական ռուբլու փոխարժեքի անկումը, ի համեմատ եվրոյի և դոլարի, չի դադարում: Այսպիսի տեղեկություն է ներկայացնում РИА Новости-ն՝ հղում անելով Մոսկվայի բորսայի տրամադրած տվյալներին:
Բորսայում 1 դոլարն այժմ արժե 73,45 ռուբլի, իսկ մեկ եվրոն գնահատվում է 80,54 ռուբլի: Ռուսաստանի արժեթղթերի շուկայում արձանագրվող տվյալները ևս նպաստում են անկմանը: Ապրիլի 6-ից ի վեր առաջին անգամ Մոսբորսայի ինդեքսը նվազել է մինչև 2600 կետից ցածր մակարդակի: Իսկ РТС-ի գործակիցը հասել է 1112,13 կետին:
