ԱՄՆ նախագահ Թրամփը հայտարարել է, թե արդեն ավարտին է մոտենում իր այն ծրագրի մշակումը, որի համաձայն մինչև մայիսի 1-ը չեղյալ են հայտարարվելու կորոնավիրուսով պայմանավորված սահմանափակումները, և տնտեսության որոշ հատվածներ դարձյալ սկսելու են աշխատել:
Ըստ Reuters-ի՝ նախագահն այդ հայտարարությունն արել է երեքշաբթի Սպիտակ տանը՝ ընդգծելով, որ չնայած որոշ փորձագետների մտահոգություններին՝ ինքը լիազորություններ ունի այդ ծրագիրը կյանքի կոչելու համար: Դոնալդ Թրամփը հավելել է՝ ինքը, հավանաբար առաջիկա հինգշաբթի, իր ծրագրի շուրջ տեսակոնֆերանսի միջոցով կզրուցի բոլոր 50 նահանգապետերի հետ:
