Գլենդելի քաղաքային խորհրդի անդամ Վրեժ Աղաջանյանը խորհրդի անդամների կողմից ընտրվել է Գլենդելի քաղաքապետ: Աղաջանյանը կփոխարինի քաղաքապետի պաշտոնից հեռացող Արա Նաջարյանին: Վրեժ Աղաջանյանն առաջին անգամ է զբաղեցնում քաղաքապետի պաշտոնը՝ գրում է Massispost.com կայքը:
Վրեժ Աղաջանյանը նախկինում զբաղեցրել է Գլենդելի բնակարանային վարչության նախագահի և Բըրբանք-Գլենդել-Փասադենա օդանավակայանի տնօրենների խորհրդի անդամի պաշտոնը, Ամերիկայի Հայ ինժեներների և գիտնականների ասոցիացիայի անդամ և նախկին նախագահ է, Գլենդելի ոստիկանության հիմնադրամի վարչության անդամ։
Վրեժ Աղաջանյանն ամուսնացած է, ունի երկու երեխա:
