Հոնգկոնգի դատական համակարգի ներկայացուցիչներն առճակատման մեջ են Պեկինի հետ: Այդ համակարգը, ըստ դատավորների, ներկայումս մեծ ճնշումների է ենթարկվում Չինաստանի կենտրոնական իշխանությունների կողմից, ինչի հետևանքով Հոնգկոնգի դատական համակարգի անկախությունը մեծ վտանգի առջև է հայտնվել: Այդ մասին Reuters-ին ասել են Հոնգկոնգի երեք բարձրաստիճան դատավորներ: Ըստ աղբյուրի՝ դրան նպաստում է նաև հանգամանքը, որ կորոնավիրուսի համավարակի պայմաններում խիստ նվազել են Հոնգկոնգի ինքնավարության պահպանման համար կազմակերպվող ցույցերը:
