Հնդկաստանում կորոնավիրուսի համաճարակի պատճառով հայտարարվել է «բացարձակ կարանտին»: Դա վերաբերում է երկրի ամբողջ բնակչությանը՝ 1.3 միլիարդ մարդու:
Երկրի իշխանությունները համոզված են, որ ամեն ինչ պետք է մարդկանց հիշեցնի կորոնավիրուսի մասին և պարտադրի մնալ տանը, պահպանել սոցիալական հեռավորությունը: Դա վերաբերում է նաև հանդերձանքին: Հնդիկ ոստիկանները ստիպված են նոր կորոնավիրուսային հագուկապով պարեկել և մարդկանց հիշեցնել իրենց պարտականությունները: Հնդկաստանի ոստիկանները օգտագործում են նաև խիստ մեթոդներ օրինախախտների նկատմամբ, նույնիսկ փայտով են ծեծում:
Հնդկաստանում գրանցվել է Covid-19 վարակի 4,300 դեպք, մահացել է հարյուրից ավելի մարդ:
