Միացյալ Նահանգներում գրանցվել է կորոնավիրուսից մահացության նոր ռեկորդային ցուցանիշ: Wall Street Journal-ը գրում է, որ ԱՄՆ-ում վերջին 24 ժամվա ընթացքում վարակից մահացել է 1973 մարդ: Պարբերականը հղում է կատարում Ջոնս Հոփքինս համալսարանի տվյալներին:
Միացյալ Նահանգներում վարակվածների ընդհանուր թիվը գերազանցում է 435 հազարը: Այս երկրում COVID-19-ից մահացել է ավելի քան 14.700 մարդ: Ապաքինվածների թիվն անցնում է 23 հազարը: Միացյալ Նահանգները վարակվածների թվով առաջատար է ամբողջ աշխարհում:
