Սուրբ Գրիգոր Լուսավորիչ բժշկական կենտրոնում կապիտալ վերանորոգումից հետո ավարտին են մոտենում Կրծքային վիրաբուժության բաժանմունքի վիրահատարանի երկու սրահների կահավորման աշխատանքները: Ամիսներ առաջ սկսված վերանորոգումն ավարտված է, նորացված վիրահատարաներում մարդկային շատ կյանքեր դեռ կփրկվեն, իսկ այս պահին հերթը նոր կորոնավիրուսին հաղթելն է։ Այս մասին տեղեկացնում են Սուրբ Գրիգոր Լուսավորիչ բժշկական կենտրոնից։
Առողջապահության նախարար Արսեն Թորոսյանն էլ Ֆեյսբուքի էջում նշել է՝ «Մեր առողջապահական համակարգի «լոկոմոտիվներից» մեկը՝ Առողջապահության նախարարության Սուրբ Գրիգոր Լուսավորիչ ԲԿ-ն, արդիականացմանը զուգընթաց, մեր երկրի համար այս ծանր պահին իր վրա է վերցնում ամենամեծ բեռը»։
