«Այս շաբաթ ամերիկացիները հարվածեցին ֆրանսիացիներին. նրանք յուրացրին Պեկինում Ֆրանսիայի կողմից պատվիրված դիմակները` ավելի թանկ վճարելով հենց չինական օդանավակայանի թռիչքուղում»,- գրում է Le Figaro-ն:
«Կորոնավիրուսի դեմ պատերազմը նաև պատերազմ է դիմակների համար: Մի քանի շաբաթվա ընթացքում ԱՄՆ-ի, Ֆրանսիայի, Իտալիայի կամ Իսպանիայի և այն երկրների համար, որոնք պատրաստ չէին համաճարակին, դիմակները դարձել են հազվադեպ և պահանջված ապրանք, ինչպես նաև առաջնահերթություն կառավարությունների համար: Իսկ մի քանի պետություն էլ դրանք արտադրում են մեծ քանակով՝ դա դարձնելով շահույթի և միջազգային ազդեցության աղբյուր»,- նշում է հոդվածի հեղինակը:
