Առողջապահության նախարար Արսեն Թորոսյանը նշեց, որ այս պահին ունենք ծայրահեղ ծանր վիճակում գտնվող 5 պացիենտ, որոնք միացված են արհեստական շնչառական համակարգին, նրանցից 4-ը տարեց են, միայն մեկն է երիտասարդ։
«Այդ տրամաբանությունը կա, մենք ինքներս ենք տեսնում տարիքի և քրոնիկ հիվանդության հետ վիրուսի ուղիղ կապը, հատկապես թոքերի խնդիր ունեցող քաղաքացիների։ Վիրուսը խոցում է թոքերի ալվեոլները, որոնք իրականացնում են թթվածնի փոխանակությունը թոքերի միջոցով դեպի արյուն, և թոքաբորբի առաջացման պատճառով պարզապես դա տեղի չի ունենում, և մահը վրա է հասնում դրա պատճառով»,-նշեց նախարարը։
