Ըստ Worldometers կայքի՝ կորոնավիրուսի համաշխարհային վիճակագրական տվյալները հետևյալն են: Ամբողջ աշխարհում վարակակիրների թիվը 949.750 է: Մահացության դեպքերն ավելի քան 48 հազար են: Ավելանում է նաև ապաքինվածների թիվը, կա ավելի քան 200 հազար բուժված:
Ներկայում վարակվածների թվով առաջատար է Միացյալ Նահանգները՝ ավելի քան 215 հազար: Այնուհետև հաջորդում են Իտալիան, Իսպանիան, Չինաստանը, Գերմանիան, Ֆրանսիան, Իրանը: Մահացության դեպքերով առաջատար է Իտալիան, որին հաջորդում են Իսպանիան, ԱՄՆ-ը, Ֆրանսիան, Չինաստանը, Իրանը, Մեծ Բրիտանիան:
