Գերմանիայի նախագահ Ֆրանկ-Վալտեր Շտայնմայերը, ինչպես նաև Հորդանանի, Եթովպիայի, Սինգապուրի և Էկվադորի ղեկավարները կոչ են արել ստեղծել «գլոբալ դաշինք ընդդեմ կորոնավիրուսի»: Հինգ պետությունների առաջնորդներն առաջարկությունն արել են The Financial Times-ում հրապարակված հոդվածում:
«Մենք բոլորս հավասար ենք այս վիրուսի առաջ և պետք է միասին աշխատենք այն հաղթահարելու համար»,- ասվում է հոդվածում:
Հատուկ միջոցների թվում, որոնք հոդվածի հեղինակները առաջարկում են ձեռնարկել COVID-19-ի դեմ պայքարում, SARS-CoV-2 կորոնավիրուսային պատվաստանյութի մշակումն է և դրա արդար բաշխումը ամբողջ աշխարհում:
