Բունդեսթագում «Այլընտրանք Գերմանիայի համար» կուսակցության պատգամավոր Ռոբբի Շլունդը հայտարարել է Ռուսաստանի նկատմամբ պատժամիջոցներն ամբողջովին վերացնելու անհրաժեշտության մասին, հայտնում է ՌԻԱ Նովոստին: Նրա խոսքով՝ դրանք հակասում են COVID-19-ի դեմ պայքարի համար անհրաժեշտ համերաշխության և փոխօգնության մասին Գերմանիայի կառավարության հայտարարություններին:
Պատգամավորը համոզված է, որ պատժամիջոցների վերացումը կլինի «մարդկային ժեստ և ներդրում ժողովուրդների միջև փոխըմբռնման հարցում», ինչպես նաև «համաճարակի ավարտից հետո Գերմանիայի և Ռուսաստանի տնտեսություններին աջակցող քայլ»:
Ավելի վաղ ՄԱԿ-ի գլխավոր քարտուղար Անտոնիո Գուտերեսն էր G20-ի երկրների ղեկավարներին ուղղված իր նամակում կոչ արել կորոնավիրուսի տարածման պայմաններում վերացնել բոլոր պատժամիջոցները:
