Այս կիրակի՝ մարտի 15-ին, հայկական Atlantis European Airways ավիաընկերության կողմից Հռոմից կազմակերպվելու է չարտերային թռիչք դեպի Երևան, որի ֆինանսական ծախսերը կհոգան ՀՀ Կառավարությունը, Atlantis European Airways ավիաընկերությունն ու «Արմենիա» միջազգային օդանավակայաններ» ընկերությունը: Մանրամասներն այսօր Կառավարության նիստում ներկայացրել է փոխվարչապետ Տիգրան Ավինյանը:
Ավելի վաղ փոխվարչապետը կոչ էր արել կարճաժամկետ այցելությամբ, ուսման և գործուղման նպատակով Իտալիայում գտնվող ՀՀ քաղաքացիներին հնարավորինս սեղմ ժամկետում կապ հաստատել դեսպանության հետ։
