«Թուֆենկյան» բարեգործական հիմնադրամի ֆինանսավորմամբ Արցախի Հանրապետության Քաշաթաղի շրջանի Կովսական քաղաքում զբոսայգի և ամֆիթատրոն (բեմահարթակ) կկառուցվեն՝ տեղեկացրել են «Թուֆենկյան» հիմնադրամից:
Անցյալ տարվա ամռանը՝ «Թուֆենկյան» հիմնադրամի կառուցած մարզադաշտի բացման հանդիսավոր արարողությանը, Կովսականի քաղաքապետարանի և «Թուֆենկյան» հիմնադրամի միջև ձեռք էր բերվել պայմանավորվածություն՝ նոր ծրագիր սկսելու մասին:
Շինարարությունը արդեն մեկնարկել է, տարածքում կատարվում են հողային աշխատանքներ: Զբոսայգու բացումը նախատեսվում է ամռան սկզբին:
