Թուրքիան հուսով է, որ փախստականների հարցով Եվրամիության հետ նոր համաձայնագիրը կստորագրվի մինչև մարտի 26-ը: Թուրքիայի արտգործնախարար Մևլութ Չավուշօղլուն հայտնել է, որ Անկարան պատրաստ է կառուցողական աշխատելու մինչև ԵՄ հաջորդ գագաթնաժողովը նոր համաձայնագիր կնքելու համար: Երկրի արտաքին քաղաքական գերատեսչության ղեկավարի հավաստմամբ՝ եվրոպական կառույցի հետ 2016-ին ստորագրված փաստաթուղթը վերանայման ու թարմացման կարիք ունի:
Փախստականների թեման օրախնդիր է դարձել, երբ Սիրիայում լարվածության ֆոնին Թուրքիան սիրիացի փախստականների առջև բացել է Եվրոպայի դռները:
