Մարտի 7-ին՝ Կանանց միջազգային տոնին ընդառաջ, Արցախի պաշտպանության բանակի վարչության կին զինծառայողներն ու տնտեսական մասի աշխատակիցները առանձնահատուկ ուշադրության են արժանացել պաշտպանության բանակի հրամանատարության ու Արցախի ազատամարտիկների միության կողմից:
Կարևորելով գեղեցիկ սեռի բոլոր ներկայացուցիչների դերակատարումը զորքերի կենսագործունեության բոլոր բնագավառներում՝ ՊԲ հրամանատարի ԲՀԱ գծով տեղակալ, գնդապետ Ստեփան Գևորգյանն ու Արցախի ազատամարտիկների միության աշխատակազմի ղեկավար Էդուարդ Խաչատրյանը համոզմունք են հայտնել, որ ինչպես մեր բանակաշինության բոլոր փուլերում, այսօր և այսուհետ ևս կանայք կլինեն իրենց վստահված առաքելության լիարժեք կրողները և կշարունակեն պատասխանատվության ու հոգատարության անհրաժեշտ չափաբաժին ներարկելով բանակային ծանր ու դժվարին առօրյայում՝ նպաստել հանրապետության զինված ուժերի մարտունակության հետագա բարձրացմանը:
Միջոցառման ավարտին ՊԲ վարչության կին զինծառայողներն ու տնտեսական մասի աշխատակիցները բանակի հրամանատարության կողմից արժանացել են դրամական խրախուսանքի, իսկ Արցախի ազատամարտիկների միության վարչության կողմից՝ ստացել ծաղիկներ:
