Ռամկավար ազատական կուսակցությունը հայտարարություն է տարածել Սահմանադրական հանրաքվեի գործընթացի առնչությամբ:
Հայտարարության մեջ, մասնավորապես, ասված է. «Ռամկավար ազատական կուսակցությունը համարում է, որ ՀՀ գործող Սահմանադրության մեջ առկա անհամապատասխանությունները և խութերը մեծ արգելք են հանդիսանում դատաիրավական համակարգում անհետաձգելի բարեփոխումների անցկացման ճանապարհին: Սահմանադրության մեջ առկա են հոդվածներ, որոնք գրվել և պարտադրվել են ընդունվելու նախկին կոռումպացված իշխանությունների կողմից Սահմանադրական դատարանը ուզուրպացիայի ենթարկելու նպատակով:
ՌԱԿ-ը, ուսումնասիրելով Սահմանադրական դատարանի շուրջ կուտակված լարվածության պատճառները և դատաիրավական բարեփոխումների ճանապարհին կանգնած խոչընդոտները հանրաքվեի ճանապարհով լուծելու իշխանության որոշումը, կոչ է անում ս.թ. ապրիլի 5-ին մասնակցել հանրաքվեին և ԱՅՈ՛ ասել սահմանադրական բարեփոխումներին»:
