Սիրիայի հարավում գտնվող Կունեյտրա նահանգում՝ Գոլանի բարձունքների մոտ, հետախուզական անօդաչուն ուղեկցող իսրայելական ուղղաթիռը խոցել է սիրիական քաղաքացիական մեքենան, հայտնում է սիրիական Sham FM ռադիոկայանը:
Իսրայելի բանակի մամուլի ծառայությունն էլ տեղեկացրել է, որ Գոլանի հյուսիսում զինծառայողները հրթիռակոծել են մեքենան, որտեղից դիպուկահարը կրակել է Իսրայելի ուղղությամբ:
Վերջին շրջանում հաճախակի են դարձել իսրայելական օդուժի հարձակումները Դամասկոսի և նրա մերձակայքի վրա: 1967-ի վեցօրյա պատերազմի ընթացքում Իսրայելը Գոլանի բարձունքները վերցրեց Սիրիայից, իսկ 1981 թ. այդ տարածքը բռնակցեց, ինչն էլ այսօր իսրայելա-սիրիական հակամարտության հիմնական պատճառն է:
