Մոսկվայի մետրոյի «Մայակովսկայա» կայարանում տեղի է ունեցել զանգվածային ծեծկռտուք «Դինամո» և «Սպարտակ» ֆուտբոլային ակումբների երկրպագուների միջև:
Բախումները սկսվել են այն ժամանակ, երբ կայարան է ժամանել գնացք, որի մեջ եղել է «Սպարտակի» մոտ 100 ֆուտբոլասեր: Կառամատույցին նրանց արդեն սպասում էին «Դինամոյի» երկրպագուները, որոնք էլ հարձակում են գործել հակառակորդների վրա:
Այնուհետև ծեծկռտուքը տեղափոխվել է փողոց, որտեղ իրավապահները բերման են ենթարկվել մի քանիսին: Բախումների ժամանակ մի քանի երկրպագուներ վնասվածքներ են ստացել:
