Կորոնավիրուսը թափանցել է Հարավային Ամերիկա: Առաջին վարակակիրը բացահայտվել է Բրազիլիայում: Իտալիայից էլ վարակն անցել է հարևան Ավստրիա, Խորվաթիա և Շվեյցարիա: Կորոնավիրոսով վարակվածների ու զոհերի թվով Եվրոպայում առաջին տեղում Իտալիան է: Այստեղ 230 վարակակիր կա, 7 մահ: Ի դեպ բոլոր մահացածների տարիքը 70-ից բարձր է: 12 բնակավայր մեկուսացվել է, ստեղծվել է մուտքի և ելքի համար փակ «կարմիր գոտի»:
Մերձավոր Արևելքում կորոնավիրուսի թիրախում է հայտնվել Իրանը, որտեղ զոհերի թիվը հասել է 16-ի, հիվանդացել է նաև երկրի առողջապահության փոխնախարարը:
Կորոնավիրուսի բռնկում Ճապոնիայում կասկածի տակ են դնում օլիմպիական խաղերի անցկացումը Տոկիոյում: Միջոցառումը նախատեսված է հուլիսի 24-ից օգոստոսի 9-ը, իսկ պարօլիմպիականը՝ օգոստոսի 25-ից սեպտեմբերի 6-ը: Միաժամանակ, Տոկիոյի նահանգապետը քննադատել է Լոնդոնի քաղաքապետի թեկնածու Շոն Բեյլիին, որն առաջարկել է Տոկիոյի փոխարեն խաղերն անցկացնել Լոնդոնում:
