Հանրապետության մարզերում այս պահին առատ ձյուն է տեղում: ԱԻՆ-ից տեղեկացրել էին, որ մարտի 1-ին շրջանների զգալի մասում սպասվում են տեղումներ, լեռնային և նախալեռնային շրջաններում՝ ձյան, հովտային գոտում՝ անձրևի տեսքով: Տեղումները կդադարեն վաղը՝ փետրվարի 26-ին:
Այս պահին բուք է Աշոցքի, Ամասիայի (30 Մ) և Ախուրյանի (50 Մ) տարածաշրջանների ճանապարհներին, Արթիկի տարածաշրջանի՝ Արթիկ-Ապարան ավտոճանապարհին:
ՀՀ միջպետական, հանրապետական մարզային նշանակության բոլոր ճանապարհները բաց են: Դժվարանցանելի են Աշոցքի, Ամասիայի և Ախուրյանի տարածաշրջանների ճանապարհները։ Ճանապարհների որոշ հատվածներում առկա է մերկասառույց։
Սպասարկող ընկերությունների կողմից կատարվում են ճանապարհների երթևեկելի հատվածների ձյան մաքրման և աղով ու ավազով մշակման աշխատանքներ։ Այս պահին Շիրակի մարզի ճանապարհներին աշխատում է 21 միավոր տեխնիկա։
