Իտալական «Ռոմայի» Ֆեյսբուքի պաշտոնական էջը ներկայացրել է Հայաստանի հավաքականի ավագ Հենրիխ Մխիթարյանի՝ Չենգիզ Ունդերին կատարած գոլային փոխանցման անիմացիոն տարբերակը: Իտալիայի Ա սերիայի 25-րդ տուրում կայացած «Լեչեի» դեմ խաղում Մխիթարյանը գոլի և գոլային փոխանցման հեղինակ էր դարձել. «գայլերը» հաղթել էին 4:0 հաշվով, իսկ Հենոն ճանաչվել էր հանդիպման լավագույն ֆուտբոլիստ:
