Առողջապահության համաշխարհային կազմակերպությունը տագնապ է հնչեցնում՝ Չինաստանից դուրս կորոնավիրուսով վարակվածների թիվը հասել է 1200-ի: Վերջին օրը հաստատվել է վարակի 127 նոր դեպք: Ընդհանուր առմամբ, մահացու ախտն արձանագրվել է աշխարհի 26 երկրում՝ մահացածների թիվը հասնում է 8-ի: Չինաստանում կորոնավիրուսից մահացել է 2345 մարդ, իսկ վարակվածները 76288-ն են: Կորոնավիրուսի առաջին դեպքերը գրանցվել են Իսրայելում և Լիբանանում: Իրանում էլ վարակից մահացել է 4 մարդ, կա ևս 18 վարակված:
