36-ամյա Սաֆյա Շեյխը, որը «Իսլամական պետություն» խմբավորման կողմնակիցներից է, խոստովանել է, որ ծրագրել էր պայթյուն իրականացնել Լոնդոնի Սուրբ Պետրոսի տաճարում: Այդ նպատակով նա այցելել է Բրիտանիայի մայրաքաղաքի հիմնական տեսարժան վայրերն ու հյուրանոցները՝ իր նշանակետն ընտրելու համար:
Կինը ձերբակալվել է, երբ դիմել է ծպտյալ ոստիկաններին` իր համար պայթուցիկ նյութեր գտնելու խնդրանքով: Դատարանում Սաֆյան խոստովանել է, որ ինքը մտադիր է եղել ահաբեկչական գործողություն իրականացնել՝ պայթեցնել Սուրբ Պետրոս տաճարի գմբեթը: Բրիտանուհին իսլամ է ընդունել 2007 թվականին, իսկ 2016-ին հետաքրքրվել է «Իսլամական պետության» և այլ ջիհադական խմբավորումների ծայրահեղական գաղափարներով:
