ՀՀ զինված ուժերի գլխավոր շտաբի պետը պաշտոնական այցով մեկնել է Վրաստանում: Գեներալ-լեյտենանտ Արտակ Դավթյանին հյուրընկալել է Վրաստանի զինված ուժերի հրամանատար, գեներալ-լեյտենանտ Վլադիմիր Չաչիբայան:
Կողմերը քննարկել են Վրաստանի և Հայաստանի միջև պաշտպանական համագործակցության ամրապնդման և զարգացման հարցեր, մասնավորապես, ռազմական կրթության և ռազմական բժշկության ոլորտում: Գեներալ-լեյտենանտ Վլադիմիր Չաչիբայան հայ գործընկերոջը ծանոթացրել է վրացական բանակի բարեփոխումներին:
Գեներալ-լեյտենանտ Արտակ Դավթյանը Հերոսների հրապարակում գտնվող հուշահամալիրում ծաղկեպսակ է դրել՝ հարգանքի տուրք մատուցել զոհված հերոսների հիշատակին:
Երկօրյա այցի շրջանակներում Հայաստանի ԶՈՒ պատվիրակության անդամները կայցելեն Կրծանիսիում ՆԱՏՕ-Վրաստան զորավարժությունների և գնահատման միասնական (JTEC) կենտրոն:
