Երևանի քաղաքապետարանի և վարչական շրջանների «Մեկ պատուհանի» գրասենյակներում էլեկտրոնային փաստաթղթաշրջանառության համակարգ (այսուհետ՝ Համակարգ) մուտքագրվել է 247 549 փաստաթուղթ:
Մասնավորապես, քաղաքապետարանի Արգիշտիի 1 և Փ. Բուզանդի 1/3 հասցեներում գտնվող վարչական շենքերի գրասենյակներում Համակարգ է մուտք արվել 132632 փաստաթուղթ, որից՝
• քաղաքացիներից առձեռն կամ առցանց կամ «Հայփոստ» ՓԲԸ ընկերության միջոցով՝ 53014 դիմումներ.
• ՀՀ գործադիր իշխանության հանրապետական և տարածքային կառավարման մարմիններից, պետական այլ մարմիններից, կազմակերպություններից և իրավաբանական այլ անձանցից 35402 գրություններ.
• Երևանի քաղաքապետարանի «Թեժ գիծ» 011-514-000 և 1-05, ինչպես նաև Երևան քաղաքի ճգնաժամային կառավարման կենտրոնի 1-08 հեռախոսահամարներով քաղաքացիներից ստացված թվով 30756 տեղեկությունները, որպես ձևակերպված փաստաթուղթ, օպերատորների կողմից մուտքագրվել են համակարգ.
• Երևանի քաղաքապետարանի աշխատակազմի կառուցվածքային և առանձնացված ստորաբաժանումների միջև իրականացվող ներքին շրջանառության 13460 փաստաթուղթ:
Համակարգ մուտքագրված 132632 փաստաթղթերից սուրհանդակային ծառայությունների միջոցով ստացվել են 8480-ը, «Հայփոստ» ՓԲ ընկերության միջոցով՝ 36100-ը, Երևանի քաղաքապետարանի պաշտոնական կայքում տեղադրված առցանց էլեկտրոնային ծառայության միջոցով՝ 4092-ը, ինժեներական ենթակառուցվածքներ ստեղծելու նպատակով մատակարար կազմակերպություններից էլեկտրոնային կապով ստացվել է 2314-ը, հեռախոսազանգով՝ 30756-ը, քաղաքացիներից և իրավաբանական անձանց ներկայացուցիչներից առձեռն՝ 50890-ը:
Երևանի քաղաքապետարանի «Թեժ գիծ» 011-514-000 և 1-05 հեռախոսահամարներով ստացվել է 175226 հեռախոսազանգ, որից 144470-ը վերաբերել է խորհրդատվության կամ տեղեկատվության տրամադրմանը:
Կառավարության 2015 թ. հոկտեմբերի 15-ի N 1204-Ն որոշման համաձայն՝ համակարգ մուտքագրված փաստաթղթերի հիմքով քաղաքացիներին, կազմակերպություններին և իրավաբանական այլ անձանց բարենպաստ վարչական ակտով տրամադրված կամ առաքված հիմնական փաստաթղթերի վերաբերյալ ամենամյա վիճակագրական տվյալները ներկայացված են հ. 1 աղյուսակում:
Երևանի 12 վարչական շրջանների ղեկավարների աշխատակազմերի աշխատավայրերի գրասենյակներում մուտքագրվել է 114916 փաստաթուղթ, որից 45882-ը՝ դիմում, այդ թվում՝ «Թեժ գիծ» հեռախոսահամարներով ստացված 52984 զանգերից 2950-ն որպես ձևակերպված փաստաթուղթ մուտքագրվել են համակարգ:
• Գրություններ՝ 69034, որից 61698-ը՝ կազմակերպություններից և իրավաբանական այլ անձանցից և 7336-ը՝ ներքին շրջանառության փաստաթղթեր:
Համակարգ մուտքագրված փաստաթղթերի հիմքով Երևանի վարչական շրջանների ղեկավարներին օրենսդրությամբ վերապահված լիազորություններով քաղաքացիներին և (կամ) իրավաբանական անձանց տրամադրված կամ առաքված թույլտվությունների վերաբերյալ ամենամյա վիճակագրական տվյալները ներկայացված են հ. 2 աղյուսակում:
