Բրիսթոլում «Դենիս» փոթորկի պատճառով աղջիկը վնասվածքներ է ստացել, երբ ծառը, կոտրելով պատուհանը, ընկել է նրա ննջասենյակ: Express.co.uk կայքի հաղորդմամբ՝ երեխան բջջային հեռախոսով խաղալիս է եղել, երբ ուժեղ փոթորիկը սկսվել է: Հարվածից աղջիկը թեթև վնասվածքներ է ստացել: Տարհանվել են չորս բնակարանի բնակիչներ: Բազմաբնակարան շենքի բնակիչներից մի քանիսը բուժօգնություն են ստացել: Ծառը հեռացնելիս մի քանի բնակարան ապամոնտաժվել է, և արդյունքում վեց ընտանիք ստիպված է եղել լքել տունը:
