Ողբերգական ավտովթար է տեղի ունեցել Ռուսաստանի Պսկով քաղաքի մոտակայքում: Ավտոմայրուղու վրա բախվել են միկրոավտոբուսն ու բեռնատարը, ինչի հետևանքով մահացել է 8 մարդ:
Մահացու ելքով ճանապարհատրանսպորտային պատահարը տեղի է ունեցել այս գիշեր: Բոլոր զոհերը Ուկրաինայի քաղաքացիներ են, որոնք միկրոավտոբուսի ուղևորներն են եղել: Եվս երկու հոգի՝ Բելառուսի և Ուկրաինայի քաղաքացիներ, մարմնական տարբեր աստիճանի վնասվածքներով հոսպիտալացվել են: Դեպքի վայրում աշխատում են օպերատիվ խմբեր: Պարզվում են ողբերգական դեպքի հանգամանքները:
