Մեծ Բրիտանիան, Լոնդոնում իսլամիստների կատարած հարձակումների ֆոնին, կարող է ժամանակավորապես դուրս գալ Մարդու իրավունքների եվրոպական կոնվենցիայից: Դա նրան հնարավորություն կտա օրենքներ ընդունել ահաբեկչության համար մեղադրվող հանցագործներին պատժելու մասին, հայտնում է Guardian- ը:
Կառավարությունը ցանկանում է հնարավորինս արագ արգելել ահաբեկչության մեջ դատապարտվածների վաղաժամկետ ազատումը: Վերջերս ազատ արձակված Սուդեշ Ամմանը կիրակի Լոնդոնում հարձակվել էր անցորդների վրա՝ վիրավորելով երեք մարդու:
Brexit-ից հետո Մարդու իրավունքների եվրոպական կոնվենցիայից դուրս գալու որոշումը, ըստ դիտորդների, կլինի առաջին փորձությունը Բրիտանիայի և ԵՄ իրավաբանական հաստատությունների հարաբերություններում: Պահպանողականներն ավելի վաղ ասում էին, որ ցանկանում են վերանայել մարդու իրավունքների մասին օրենքները:
Ներկա պահին Բրիտանիայի բանտերում 224 մարդ իր պատիժն է կրում ահաբեկչության համար, նրանցից 4-ին պայմանական վաղաժամկետ ազատում կտրվի մարտ ամսին, հայտնել է Henry Jackson Society վերլուծական կենտրոնը:
