Հերթական նավաբեկությունը Լիբիայի ափերին: «Բժիշկներ առանց սահմանների» և SOS Mediterranee մարդասիրական կազմակերպությունները հայտնել են, որ ծովային աղետի ժամանակ հաջողվել է փրկել մոտ 60 փախստականի, որոնք նավով մեկնում էին Եվրոպա: Մարդասիրական կազմակերպությունների հայտարարության մեջ մասնավորապես ասվում է. «Լուսաբացից առաջ «Բժիշկներ առանց սահմանների» և SOS Mediterranee կազմակերպությունների խմբերը փրկել են 59 մարդու՝ կանանց ու տղամարդկանց, որոնց փայտաշեն նավակը ջրասույզ էր լինում: Անմիջապես սկսվել են փրկարարական գործողությունները»:
