«Յուքոմ» ընկերությունը բանակցություններ է վարում «Բիլայնի» հետ՝ այն գնելու վերաբերյալ. հավաստի՞ են տեղեկությունները՝ հետաքրքրվեց պատգամավոր Գոռ Գևորգյանը: Հարցի ի պատասխան՝ փոխվարչապետ Ավինյանը պարզաբանեց՝ ֆորմալ գործընթացն արդեն սկսվել է։
«Հայտ է ներկայացվել Հանրային ծառայությունները կարգավորող հանձնաժողով՝ «Յուքոմ» ընկերության կողմից «Բիլայնը» գնելու վերաբերյալ։ ՀԾԿՀ-ն պետք է վերլուծություն անի։ Հանձնաժողովի նախնական դիրքորոշումն այն է, որ այս պահին առկա բոլոր հաճախականությունները պետք է միշտ հնարավորություն տան երրորդ օպերատորի մուտքի համար։ Բայց այս միավորումը կարող է ավելի խնդրահարույց լինել ՏՄՊՊՀ-ի տեսանկյունից։ Բոլոր կարծիքները համադրելով՝ կունենանք վերջնական պատասխան՝ արդյոք այս միավորումը հնարավո՞ր է։ Սա բարդ գործընթաց է լինելու»,- ասաց Տիգրան Ավինյանը։
Փոխվարչապետը հավաստիացրեց՝ արվելու է շուկաների վերլուծություն՝ պարզելու, թե ինչ ֆինանսական վիճակում են ընկերությունները։ Արվելու է ամեն բան մենաշնորհային ծառայությունների ձևավորումից խուսափելու համար։
