Ռուսաստանի ժողովրդական արտիստ Դմիտրի Խառատյանն այսօր նշում է ծննդյան 60-ամյակը: Առաջին անգամ նա էկրանին է հայտնվել 15 տարեկանում ՝ «Խաղարկություն» ֆիլմում և անմիջապես շահել հանդիսատեսի սերը՝ հայտնում է
Russia 24 հեռուստաալիքը:
Բայց Ալյոշա Կորսակի դերը լեգենդար «Գարդեմարիններ, առաջ» ֆիլմում իրական համբավ բերեց դերասանին: Երիտասարդ, խարիզմատիկ և ուրախ պատանին դարձավ մի ամբողջ սերնդի խորհրդանշան: Դերասանի խոսքով՝ նախնիների գեները նրան օգնեցին ֆիլմում մարմնավորել իսկական գարդեմարինի կերպարը: Հայտնի է, որ Խառատյանների մի քանի սերունդ ծառայել է ռուսական նավատորմում:
Դերասանին շնորհավորել է Ռուսաստանի նախագահ Վլադիմիր Պուտինը՝ «Ձեր շռայլ, բազմակողմանի տաղանդի և հսկայական դրական էներգիայի շնորհիվ հաջողության եք հասել դերասանական ասպարեզում»,- նշել է Պուտինը շնորհավորական հեռագրում՝ մաղթելով հոբելյարին ստեղծագործական նոր հաջողություններ:
Դմիտրի Խառատյանը ծննդյան տարեդարձը կնշի բեմում. այսօր Սանկտ Պետերբուրգում կկայանա նրա համերգը: Իսկ փետրվարի 12-ին Մոսկվայի Կրեմլի պալատում տեղի կունենա ևս մեկ հոբելյանական ներկայացում:
