Երևանը չի խախտում հանդիպումների հանրայնացման պրակտիկան. Նաղդալյան

Հայաստանի ԱԳ նախարարությունը պատասխանել է 1lurer.am-ի հարցմանը՝ Մնացականյան-Մամեդյարով հնարավոր հանդիպման վերաբերյալ:

Նախարարության մամուլի խոսնակ Աննա Նաղդալյանն ասել է. «ՀՀ ԱԳՆ-ն յուրաքանչյուր հանդիպման մասին տեղեկացնում է ընդունված կարգով՝ ԵԱՀԿ Մինսկի խմբի համանախագահների միջոցով բոլոր մանրամասների համաձայնեցումից հետո: Մենք շարունակում ենք կիրառել հանդիպումների հանրայնացման այդ պրակտիկան»:

Հիշեցնենք, որ այսօր Ադրբեջանի արտաքին գործերի նախարար Էլմար Մամեդյարովը հայտարարել էր. «Այս ամսվա վերջին նախատեսված է Հայաստանի և Ադրբեջանի արտաքին գործերի նախարարների հանդիպում»:

Դիտումների քանակ57