Ավիահարվածներ Սիրիայի Իդլիբ շրջանում: Ռմբակոծության է ենթարկվել բնակավայրի շուկան ու արդյունաբերական գոտին: Ավիահարվածների հետևանքով մահացել է 21 մարդ, կան բազմաթիվ վիրավորներ: Մշտադիտարկում իրականացնող խմբերը հայտնել են, որ հարձակումն իրականացրել է ռուսական ու սիրիական օդուժը: Այս մասին հայտնել է BBC-ն: Վերջին ավիահարվածների վերաբերյալ մեկնաբանություններ չի արել ո՛չ ռուսական և ո՛չ էլ սիրիական կողմը: AFP լրատվական գործակալության լրագրողի հավաստմամբ՝ ռմբակոծությունների հետևանքով բազմաթիվ ավտոմեքենաներ վարորդներով հրկիզվել են:
