Իրանի իսլամական Հանրապետության ԱԳ նախարար Ջավադ Զարիֆը Twitter-ի իր միկրոբլոգում գրել է. «Եվրոպական եռյակը կարող է փրկել ՀԳՀԾ-ն: Բայց ոչ թե խոնարհվելով ԱՄՆ-ի առջև, և ճնշում գործադրելով այն կողմի վրա, որը կատարում է իր պարտավորությունները, այլ քաջությամբ ստանձնելով սեփակա՛ն պարտավորությունների կատարումը: Խնդիրն այն է, որ Բրյուսելից մինչև Լոնդոն ու Բեռլին՝ քաղաքական գործիչներն ու դիվանագետները փորձում են միայն խոսքով պահպանել ՀԳՀԾ-ն: Եվրոպացիները վերջին բանաձևը հրապարակելու փոխարեն՝ պետք է ապացուցեին, որ անկախ են և ունեն հստակ կամք՝ պահպանելու այս բազմակողմանի համաձայնագիրը»:
