Այսօր Ռուսաստանի նախագահ Վլադիմիր Պուտինը հանդես է եկել Դաշնային խորհրդին ուղղված ավանդական ուղերձով, որում նա գնահատել է երկրում տիրող իրավիճակը և ներկայացրել զարգացման հեռանկարները: Պուտինն առաջարկել է փոփոխություններ կատարել սահմանադրությունում, ոչ թե նորը գրել. նախարարներն ու նահանգապետերը չպետք է օտարերկրյա քաղաքացի լինեն: Ըստ նախագահի՝ Ռուսաստանը պարտավոր է ապահովել Հայրենական մեծ պատերազմի մասին ճշմարտությունը և դիմակայել այն կեղծելու փորձերին: Իսկ միջուկային տերություններին կոչ է արել ապահովել մոլորակի անվտանգությունն ու կանխել գլոբալ հակամարտությունները:
Ռուսաստանի նախագահը հատուկ ուշադրության է արժանացրել ռուսաստանյան ընտանիքների կենսամակարդակին, առաջարկել է ամսական վճարներ սահմանել 3-7 տարեկան երեխաների համար, նախատեսել է ավելացնել մայրական կապիտալը և վճարումն ավելացնել հենց առաջին երեխայի ծննդից:
Միջոցառումն անցկացվում է Մանեժում՝ Պետական Դումայի, Դաշնային խորհրդի, կառավարության անդամների և նահանգապետերի ներկայությամբ: Ընդհանուր առմամբ, միջոցառմանը մասնակցում է 1300 մարդ, հավատարմագրվել է 900 լրագրող: Այս տարի հաղորդագրությունն առաջին անգամ ցուցադրվել է Մոսկվայում գովազդի համար նախատեսված շենքերի ճակատային հատվածում, մետրոյում:
