Ամերիկահայ հեռուստաաստղ Քիմ Քարդաշյանի ավագ քույրը՝ Քորթնին, Ինսթագրամի թուրք օգտատերերի զայրույթի պատճառ է դարձել:
Քորթնին փախլավայի լուսանկար է հրապարակել՝ գրելով՝ «Ձեռքի սարքած հայկական փախլավա»:
Թուրք օգտատերերը միանգամից հարձակվել են Քորթնիի վրա՝ փորձելով ապացուցել, որ փախլավան թուրքական է:
Ինչպես նշում են թուրքական ԶԼՄ-ները, նման բուռն արձագանքը առաջին հերթին պայմանավորված է նրանով, որ Քիմն ու Քորթնին վերջերս ակտիվ մասնակցել են Կոնգրեսի կողմից Հայոց ցեղասպանության ճանաչման լոբբիստական աշխատանքներին:
