Չինաստանի կենտրոնական շրջաններից մեկի փողոցում ահռելի փոս է առաջացել և «կուլ տվել» ուղևորատար ավտոբուսն ու մի քանի հետիոտնի: Ողբերգական դեպքի հետևանքով մահացել է 6 մարդ, այդ թվում՝ ավտոբուսի ուղևորներ ու փողոցում գտնվող հետիոտներ: Եվս 16 հոգի վիրավորվել է: Դեպքի վայրում պայթյուն է եղել ու ահռելի անցք բացվել փողոցում, որից հետո մարդիկ խուճապահար փախուստի են դիմել: Լրատվամիջոցների հաղորդմամբ՝ փոսի տրամագիծը հասնում է 10 մետրի: Առայժմ հայտնի չէ, թե քանի ուղևոր է եղել ավտոբուսում:
