Հակակառավարական ցույցերն Իրանում չեն հանդարտվում: Երկրորդ օրն է՝ Թեհրանի փողոցներում հնչում են հակակառավարական կարգախոսները: Ցույցերը սկսվեցին, երբ Իսլամական հեղափոխության պահապանների կորպուսն ընդունեց ուկրաինական Boeing-ի հրետակոծման պատասխանատվությունը: Կիրակի գիշերը մոտ 3 հազար մարդ է մասնակցել Թեհրանում անցկացվող ցույցերին: ԱՄՆ նախագահն իր աջակցությունն է հայտնել ցուցարարներին, իսկ Իրանի իշխանությանը զգուշացրել է խուսափել ուժի գործադրումից: «Խաղաղ ցուցարարների ևս մեկ սպանությունն ու ինտերնետի անջատումը անընդունելի է»,- գրել է Թրամփը Թվիթերում:
