Խոշոր ու ողբերգական ավտովթար Իրանում: Երկրի հյուսիսային Մազանդարան նահանգի ճանապարհներից մեկում ուղևորատար ավտոբուս է վթարի ենթարկվել, ինչի հետևանքով մահացել է երկու տասնյակ մարդ, ևս 24-ը՝ վիրավորվել է: Տուժածները տեղափոխվել են հիվանդանոց: Նախնական վարկածի համաձայն, տեխնիկական անսարքության պատճառով ավտոբուսն ընկել է կիրճն ու կողաշրջվել: Այս մասին հայտնում է Fars լրատվական գործակալությունը: Այլ մանրամասներ առայժմ հայտնի չեն:
