Իսպանիայի Սուպեր գավաթի կիսաեզրափակիչ խաղում «Ռեալը» 3:1 հաշվով հաղթեց «Վալենսիային»: Ֆուտբոլային հանդիպումը տեղի է ունեցել Երևանի ժամանակով 23:00-ին, Սաուդյան Արաբիայի Ջիդա քաղաքի հյուսիսում գտնվող King Abdullah Sport City բազմաֆունկցիոնալ մարզադաշտում:
Մադրիդյան թիմում գոլերը բաժին ընկան Թոնի Կրոսին, Իսկոյին և Լուկա Մոդրիչին: «Վալենսիայի» միակ գոլը 11-մետրանոց հարվածով խփեց Դանիել Պարեջոն: 70-րդ րոպեին դաշտ մտավ «Լևանտին» ակումբի ռուս կիսապաշտպան Դենիս Չերիշևը, բայց չկարողացավ արդյունավետ խաղ ցույց տալ:
Այսպիսով, Սուպեր գավաթի եզրափակչում «Ռեալը» կհանդիպի «Բարսելոնա» - «Ատլետիկո» զույգի հաղթողի հետ:
