Միացյալ Նահանգները մերժել է Իրանի արտգործնախարար Մոհամմադ Ջավադ Զարիֆին մուտքի արտոնագրի տրամադրման հարցում: Այս մասին հայտնում է Reuters գործակալությունը:
Լրատվական գործակալության տեղեկացմամբ՝ Իրանի արտաքին քաղաքական գերատեսչության ղեկավարը պատրաստվում էր մեկնել ԱՄՆ՝ մասնակցելու ՄԱԿ-ի Անվտանգության խորհրդի նիստին:
Միացյալ Նահանգները՝ որպես երկիր, որի տարածքում տեղակայված է ՄԱԿ-ի կենտրոնակայանը, պարտավոր է մուտքի արտոնագիր տրամադրել միջազգային կազմակերպության բոլոր անդամ երկրների դիվանագիտներին:
