«Կենտրոն» հեռուստաընկերության լրագրողը դեկտեմբերի 24-ին, ժամը 19.00-ին ոստիկանության Մասիսի բաժնում հաղորդում է տվել, որ ժամը 13-ի սահմաններում, որպես լրագրող, Հովտաշատ գյուղի ձկնաբուծարան է գնացել՝ կատարելու է իր մասնագիտական գործունեությունը, սակայն երբ մտել է ձկնաբուծարան, իրեն է մոտեցել մի քաղաքացի և խոչընդոտել իր աշխատանքը, այնուհետև իրեն և օպերատորին են մոտեցել այլ անձինք ու քաշքշել, ինչի ընթացքում վնասվել է «Սոնի» տեսախցիկի լուսավորության սարքը:
Ոստիկանության լրատվության և հասարակայնության հետ կապերի վարչությունից 1lurer.am-ին հայտնեցին, որ ոստիկանության ծառայողների ձեռնարկած միջոցառումների և բացատրական աշխատանքի արդյունքում, դեկտեմբերի 24-ին, ժամը 22.40-ին, ինքնակամ բաժին է ներկայացել Հովտաշատ գյուղի 53-ամյա մի բնակիչ և տվել խոստովանական բացատրություն:
Ձեռնարկվում են միջոցառումներ դեպքի բոլոր հանգամանքները պարզելու ուղղությամբ:
