Ֆրանսիայի նախագահ Էմանուել Մակրոնը հրաժարվել է թոշակից, որը պետք է ստանար նախագահության ժամկետի ավարտից հետո: Ֆրանսիայի առաջնորդը այդ որոշումը կայացրել է կենսաթոշակային բարեփոխումների դեմ գործադուլների ֆոնին:
Ըստ 1955 թվականի օրենքի՝ Ֆրանսիայի նախկին նախագահները ցմահ ստանում են ամսական 6220 եվրո թոշակ: Մակրոնը դարձավ թոշակից հրաժարված առաջին նախագահը: Նա որոշել է նաև հրաժարվել Ֆրանսիայի Սահմանադրական խորհրդի անդամությունից, որն ընդգրկում է երկրի բոլոր նախկին նախագահներին: Սա նշանակում է, որ Մակրոնը կկորցնի ամսական 13,5 հազար եվրո վճարը: Այս հարցում, սակայն, նա առաջինը չէ: Այդ վճարից հրաժարվել էին Ֆրանսուա Օլանդը, Նիկոլա Սարկոզին:
