Վարչապետ Նիկոլ Փաշինյանը մասնակցել է Վազգեն Սարգսյանի անվան ռազմական համալսարանի 25-ամյակին նվիրված միջոցառմանը: Վարչապետը նշել է, որ ռազմական համալսարանի հազարավոր շրջանավարտներ փառապանծ ծառայություն են իրականացրել զինված ուժերում, և այդ ծառայության վրա են հիմնված Հայաստանի ու Արցախի այսօրվա հզոր, մարտունակ, վստահ բանակները: «Եկել է ժամանակը, որ մենք մեր առաջ նոր խնդիրներ դնենք, և այս նոր խնդիրների մասին եմ այս տոնական առիթով ուղերձ հղում ռազմական համալսարանի կուրսանտներին, դասախոսական անձնակազմին ու ծառայողներին»,- ասել է վարչապետը:
