Հայաստանում ինտերնետ կապի՝ երեկ տեղի ունեցած ընդհատումների կապակցությամբ Ucom-ի մամլո ծառայությունից հայտնել են, որ ձախողման պատճառը եղել է Եվրոպայում հիմնական օպտիկական մալուխների վնասվածքը: Այդ պատճառով հայկական օգտատերերին հասանելի չեն եղել մի շարք ծառայություններ՝ Gmail, Youtube, Google Analytics, Google Play չեն աշխատել:
Ըստ Google-ի ինտերակտիվ քարտեզի՝ վթարի հետևանքները զգացել են Մեծ Բրիտանիայի, Գերմանիայի, Նիդեռլանդների, Շվեյցարիայի, Ավստրիայի, Ուկրաինայի, Հունգարիայի, Ռումինիայի, Հունաստանի, Թուրքիայի, Ադրբեջանի և Վրաստանի օգտատերերը:
