Արարատի մարզի բժշկական կենտրոնները մարել են իրենց կրեդիտորական պարտքերը, համավճարով և վճարովի ծառայությունների մուտքերը 2019-ին նկատելիորեն ավելացել են: Այս մասին տարեվերջյան ամփոփիչ ասուլիսում ընդգծել է մարզպետը: Գարիկ Սարգսյանը տեղեկացրել է նաև, որ տարին դեռ չավարտված՝ մարզում 2019-ի պլանով նախատեսված բոլոր աշխատանքները կատարվել են: Նախորդ տարվա չորսի փոխարեն մարզում իրականացվել է սուբվենցիոն 56 ծրագիր: Գյուղատնտեսական էական նշանակություն ունեցող մարզում հաջորդ տարի 77 կմ նոր ջրագիծ կանցկացվի, որ կսպասարկի 33 գյուղ:
