Կառավարության որոշմամբ սահմանվեց 6 և ավելի երեխա ունեցող և Ծնողական փառքի մեդալով պարգևատրված ծնողների համար ամսական ֆինանսական աջակցության տեսակ, որն ավելի կընդգծի նրանց ունեցած ավանդը ժողովրդագրական իրավիճակի բարելավման և առաջընթացի գործում: Ծնողական փառքի մեդալով պարգևատրված ծնողների (ընտանիքների) թիվը ինն է: Նախագծի ընդունումը կհանգեցնի ՀՀ պետական բյուջեից լրացուցիչ միջոցների հատկացման անհրաժեշտության: Օրենքի նախագծի ընդունումից հետո տվյալ տարվա ՀՀ պետական բյուջեից լրացուցիչ կտրամադրվի 4 մլն 320 հազ. դրամ:
